Klistiani dowhenu tọn lẹ ma nọ dù jijizan. ( Isaia 47:11-15) Kunnudetọ Jehovah tọn lẹ ma nọ to nulẹnpọn mapote do dodonu aṣa dopodopo tọn ji etomọṣo eyin nuhe Owe-wiwe lẹ dọ gando aṣa de go họnwun, mí ma nọ miọnnukundo e. ( Deutelonomi 18:14 Galatianu lẹ 5:19-21) Na taun tọn, dopo to whẹwhinwhẹ́n he wutu Jiwheyẹwhe do gblewhẹdo tòdaho Babilọni hohowhenu tọn lẹ mẹ wẹ yindọ tòmẹnu etọn lẹ nọ tindo mahẹ to sunwhlẹvu pinpọn mẹ, ehe yin dọṣẹdidọ wunmẹ de. Ṣigba, Biblu jẹagọdo bojijlẹ, dọṣẹdidọ, afinyọnnuwiwa kavi onú mọnkọtọn lẹ. Sọgbe hẹ owe lọ Funk & Wagnalls Standard Dictionary of Folklore, Mythology, and Legend, hùnwhẹ ehelẹ wá sọn nuyise lọ mẹ dọ to jijizan mẹde tọn gbè, “gbigbọ aovi lẹ tọn nọ tindo dotẹnmẹ hundote lọ nado yangbé mẹhe to hùnwhẹ lọ basi lẹ tọn,” podọ “họntọn he to finẹ lẹ gọna obiọ ota dagbe tọn lẹ nọ basi hihọ́na mẹhe to jijizan dù lọ.” Owe lọ The Lore of Birthdays (Oklọ Jijizan Tọn) dohia dọ to hohowhenu, kandai jijizan tọn lẹ “yin onú titengbe na awuwlena ohia dọṣẹ tọn de” ehe nọ sinai do “dodinnanu dabla sunwhlẹvu pinpọn tọn ji.” Owe ehe yidogọ dọ “nuyise he gbayipe lọ wẹ yindọ vẹla he nọ yin yiyizan na jijizan lẹ tindo huhlọn jiawu nado hẹn obiọ ota dagbe tọn lẹ ṣẹ.” Hùnwhẹ jijizan dùdù tọn lẹ wá sọn aṣa kosi lẹ tọn mẹ. Lẹnnupọndo onú ẹnẹ delẹ po nubiọtomẹsi Biblu tọn he gando yé go lẹ po ji. Dile etlẹ yindọ Biblu ma dosẹ́n jijizan dùdù tọn tlọlọ, e gọalọna mí nado lẹnnupọndo onú titengbe delẹ ji podọ nado yọ́n pọndohlan Jiwheyẹwhe tọn gando jijizan dùdù go. Kunnudetọ Jehovah tọn lẹ ma nọ dù jijizan na yé yise dọ hùnwhẹ enẹlẹ ma nọ hẹn homẹ Jiwheyẹwhe tọn hùn wutu. Azọ́nwatẹn Mítọn lẹ po Dlapọn Bibasi Po.Wesẹdotẹn Intẹnẹt ji Tọn (opens new window).Hoyidokanji Nujijọ He Go Biblu Donù lẹ Tọn.